Хоёр сургуулийн хамтын ажиллагааны хүрээнд багш, оюутан солилцооны хөтөлбөр үргэлжилж, ирэх 11 дүгээр сард Монголын багш, оюутнууд Япон улсыг зорино.

Өнөөдөр Япон улсын Айчи боловсролын их сургуулийн 2 профессор, 10 оюутны бүрэлдэхүүнтэй баг МУБИС-ийн Багшийн сургуульд зочилж, сургуулийн удирдлага, багш, оюутнуудтай уулзлаа.

Үйл ажиллагааны үеэр хоёр сургуулийн удирдлагууд сургуулиа танилцуулж, дурсгалын зүйлс солилцсон юм. Мөн Хөгжмийн боловсролын хөтөлбөрийн оюутнууд зочдод зориулж мини-тоглолт сонирхуулсан бөгөөд Японы төлөөлөгчид Багшийн сургуулийн хичээлд сууж, өөрсдийн бэлтгэсэн соёлын хөтөлбөрөө танилцуулав.

Цаашдын хамтын ажиллагааны төлөвлөгөө

Сургуулиуд хоорондын хамтын ажиллагаа идэвхтэй үргэлжилж байгаа бөгөөд дараах айлчлалууд тохиролцсон байна:

11 дүгээр сард: МУБИС-ийн Багшийн сургуулийн 2 багш, 2 оюутан Япон улсыг зорино.

Ирэх 3 дугаар сард: Айчи боловсролын их сургуулийн дараагийн оюутны баг Монголд зочлохоор төлөвлөжээ.

9 сарын 14-ний өдөр