Энэхүү гарын авлага нь МУБИС-ийн бүрэлдэхүүн сургууль, тэнхим болон Хөтөлбөрийн Алба, дэд, салбар хороодод “Бид ямар түвшний хөтөлбөртэй вэ?” хэмээх асуултад хариулахдаа чанарын боловсруулалт болон тоон өгөгдлүүдийг ашиглах ач холбогдлыг харуулна.

Тус гарын авлага нь багш нарт өөрсдийн хичээлийн хөтөлбөрийг сайжруулахад хэрэгцээтэй мэдээлэл, CLO, PLO. PEO боловсруулах онол, арга зүйн зөвлөмж, практик жишээ хувилбарууд, оюутны бие даалтын ачаалал, тухайн хөтөлбөрөөр суралцах оюутны нийт цагийн ачааллыг хэрхэн тооцох, мэдлэг чадвар хандлагыг тодорхойлохдоо зайлшгүй мөрдөх шаардлагуудыг тусгасан болно.
Түүнчлэн хөтөлбөрийн зорилго, зорилтыг хянах тогтолцоог хөгжүүлэх, сайжруулах сургалтын үр дүнг үнэлэхэд шаардлагатай мэдээллээр хангана. Энэхүү баримт бичигт сургалтын үр дүнг үнэлэх гол үндэслэл, үр дүнд суурилсан үнэлгээний хөтөлбөр боловсруулах үндсэн алх
мууд, үнэлгээний тайлан бичих удирдамж, асуулт бүхий загвар, хөтөлбөрийн түвшний үнэлгээ нь шаардлагатай шалгуурыг хангаж байгаа эсэхийг үнэлэх заавар зэрэг багтсан.